Dan it-tmiem il-ġimgħa, l-“Assoċjazzjoni Internazzjonali għall-Protezzjoni tan-Naħla Skura Ewropea” (SICAMM) qed itella’ konferenza f’Les Bellevilles (Savoy, Franza) li tiffoka fuq l-importanza tal-konservazzjoni tal-ekotipi endemiċi tan-naħal tal-għasel.
Bi pjaċir nixtiequ ninfurmaw lis-segwaċi tagħna, li wara li l-organizzaturi raw ir-riċerka tagħna dwar il-“Liġijiet Maltin u Ewropej relatati mal-Protezzjoni Ġenetika tan-Naħla Endemika Maltija” [1], li ġiet ippubblikata aktar kmieni din is-sena, estendewlna stedina sabiex nipparteċipa f’din il-konferenza.
Il-preżentazzjoni tagħna kienet iċċentrata fuq it-tema “Protezzjoni Legali tan-Naħal tal-Għasel fl-Unjoni Ewropea” u saret mis-Sur David Chetcuti Dimech, l-awtur ewlieni tal-pubblikazzjoni msemmija hawn fuq.
[1] Dimech, D. C., Borg, S., Buttigieg, A. J., & Farrugia, D. (2023). Review of the Maltese and European Laws related to the Genetic Protection of the Endemic Maltese Honey Bee (Apis mellifera ruttneri). European Energy and Environmental Law Review, 32(3).
Leave a comment