Nases fis-Suq li Mhumiex Magħmula għall-Bagħal taż-Żunżan

• Il-Bagħal taż-Żunżan (𝘝𝘦𝘴𝘱𝘢 𝘰𝘳𝘪𝘦𝘯𝘵𝘢𝘭𝘪𝘴) huwa speċi indiġena għall-gżejjer Maltin.
• Dan l-aħħar snin, speċjalment is-sajf li għadda (2022), rajna żieda qawwija fil-popolazzjoni tagħhom.
• Dan wassal sabiex din l-ispeċi issir problematika u tkun ta’ theddida għan-Naħla tal-għasel Maltija, l-apikultura lokali u il-pubbliku.
• Issa li l-istaġun sajfi hu magħna, nistennew li nerġgħu nibdew naraw dan l-insett.

𝗫’𝘀𝗮𝗿 𝗯𝗶𝗲𝘅 𝘁𝗶𝘀𝘀𝗼𝗹𝘃𝗮 𝗱𝗶𝗻 𝗶𝗹-𝗽𝗿𝗼𝗯𝗹𝗲𝗺𝗮?

➡ Il-Ministeru għal Agrikoltura organizza laqgħat dwar dan l-insett man-naħħala, kif ukoll anke intbagħat fuljett informattiv. Inħarġu ukoll applikazzjoni għal fondi biex in-naħħala jkunu jistgħu jixtru nases kontra il-Bagħal taż-żunżan. Madankollu għalkemm għaddew xhur, ninsabu informati li s’issa ħadd għadu ma rċieva l-fondi.

⦿ Nawguraw li permezz ta’ dawn il-miżuri l-problema ser titaffa. Fiċ-ċirkustanzi, nibqgħu insostnu u nappellaw għal miżuri iktar olistiċi sabiex tissolva din l-isfida u oħrajn li jikkaratterizzaw dan is-settur. It-trasparenza u l-kooperazzjoni huma u jibqgħu elementi essenzjali!

⚫ Nixtiequ wkoll niġbdu l-attenzjoni li qed jinbiegħu nases fis-suq li mhumiex magħmula għall-Bagħal taż-żunżan, iżda għal speċi ta’ żnażan oħrajn, dan wara ilmenti li irċivejna mingħand segwaċi tagħna. Dawn in-nases hemm ċans kbir li ma jkunux effettivi. Għaldaqstant nistiednu lilkom il-konsumaturi toqgħodu attenti meta tkunu qed tixtru nases kummerċjali, u tivverifikaw li dawn huma tajbin kontra l-Bagħal taż-Żunżan (Oriental Hornet jew 𝘝𝘦𝘴𝘱𝘢 𝘰𝘳𝘪𝘦𝘯𝘵𝘢𝘭𝘪𝘴).