Studju Legali: ‘il-Ħarsien tan-Naħla Endemika Maltija’

Fix-xhur li għaddew, il-𝑭𝒐𝒏𝒅𝒂𝒛𝒛𝒋𝒐𝒏𝒊 𝒈ħ𝒂𝒍𝒍-𝑲𝒐𝒏𝒔𝒆𝒓𝒗𝒂𝒛𝒛𝒋𝒐𝒏𝒊 𝒕𝒂𝒏-𝑵𝒂ħ𝒍𝒂 𝑴𝒂𝒍𝒕𝒊𝒋𝒂 flimkien mas-Sur David Chetcuti Dimech (awtur ewlieni u gradwat fil-liġi) u Prof Simone Borg (akkademiku superviżorju u professur fil-Fakulta tal-Liġi fl-Università ta’ Malta), kkonkludejna rapport li jitratta il-‘𝑷𝒓𝒐𝒕𝒆𝒛𝒛𝒋𝒐𝒏𝒊 𝒕𝒂𝒏-𝑵𝒂ħ𝒍𝒂 𝒕𝒂𝒍-𝑮ħ𝒂𝒔𝒆𝒍 𝑬𝒏𝒅𝒆𝒎𝒊𝒌𝒂 𝑴𝒂𝒍𝒕𝒊𝒋𝒂’. Dan ir-rapport jirriċerka u jispjega l-qafas legali neċessarju għall-protezzjoni olistika ta’ din is-subspeċi endemika li tgħammar biss fil-gżejjer Maltin.

Bi pjacir inħabbru li dal-artiklu ser jiġi ppublikat b’mod sħieħ f’ġurnal akkademiku legali, iktar tard dis-sena! Żommu ruħkom aġġornati billi issegwu l-paġni soċjali u s-sit tagħna!

Inħarsu ‘il quddiem għal aktar kollaborazzjonijiet, u ħidma sfieqa b’riżq il-protezzjoni olistika tan-Naħla Maltija, li hi ċ-ċavetta għal apikultura sostenibbli.