Il-KNM Tiltaqa’ maċ-Chairperson tal-ADPD, Sandra Gauci

Ilbieraħ id-19 ta’ Ġunju 2023, iltqajna maċ-Chairperson tal-ADPD, Sandra Gauci, sabiex niddiskutu is-sitwazzjoni tal-apikultura fil-gżejjer Maltin, u l-istatus ta’ protezzjoni li jeħtieġ li nagħtu lin-Naħla Maltija jekk verament għandna l-wirt naturali Malti għal qalbna. Il-politika hija għodda essenzjali biex iġġib bidla pożittiva li tkun ta’ benefiċċju għal kulħadd.

Nemmnu bis-sħiħ li t-trasparenza, id-djalogu u l-kooperazzjoni bejn individiwi u għaqdiet huma prirekwiżiti importanti jekk irridu dan is-settur jieħu spinta ‘il quddiem! Bħala Fondazzjoni li qegħdin naħdmu favur il-konservazzjoni tan-Naħla Maltija, ser nibqgħu insejsu l-ħidma tagħna fuq dawn il-valuri, għal ġid komuni!